আজি ২২,এপ্ৰিল, ২০২৬ তাৰিখে মহাবিদ্যালয়ত অসমৰ প্ৰাক্তন মুখ্যমন্ত্ৰী হিতেশ্বৰ শইকীয়াদেৱৰ মৃত্যু দিৱস উপলক্ষে এখনি ৰাষ্ট্ৰীয় পৰ্যায়ৰ আলোচনা চক্ৰ অনুষ্ঠিত হয় । মুখ্য বক্তা শিক্ষাবিদ, গবেষক, সাংবাদিক প্ৰফেচৰ সঞ্জয় হাজৰিকাদেৱে 'Dance of Democracy at a time of AI and Social Media: Challenges and Opportunities ' এই বিষয়ৰ ওপৰত বক্তৃতা প্ৰদান কৰে। এই অনুষ্ঠানতে অধক্ষ্য ড° বোধেন কুমাৰ শইকীয়াদেৱে সম্পাদনা কৰা 'Viksit Bharat & Viksit Assam Issues and Challenges ' নামৰ গ্ৰন্থখন আৰু অসমীয়া বিভাগৰ অধ্যাপক ড° বিজু ৰাজখোৱাদেৱে সম্পাদনা কৰা ' ভাষা ,সাহিত্য-সংস্কৃতি সমীক্ষা ' নামৰ গ্ৰন্থ দুখনো উন্মোচন কৰা হয় ।

বিশ্ব নাট্য দিৱস উপলক্ষে কৰ্মশ্ৰী হিতেশ্বৰ শইকীয়া মহাবিদ্যালয়ে আয়োজন কৰা অনুষ্ঠান

আজি ১১ এপ্ৰিল, ২০২৬ তাৰিখে মহাবিদ্যালয়ত ৰঙালী বিহুৰ আদৰণি অনুষ্ঠান অনুষ্ঠিত হয়। আৰম্ভণিতে প্ৰাচীৰ পত্ৰিকাৰ প্ৰতিযোগিতাৰ বিচাৰক হিচাপে বি বৰুৱা মহাবিদ্যালয়ৰ শিক্ষা বিভাগৰ সহযোগী অধ্যাপিকা ৰূপা বৰুৱা আৰু কবি ,সাংবাদিক অঙ্কুৰ ৰঞ্জন চাংমাই উপস্থিত থাকে। বন্তি প্ৰজলনৰে ৰঙালী বিহুৰ আদৰণি অনুষ্ঠানৰ শুভৰাম্ভণি কৰে অধ্যক্ষ ড° বোধেন কুমাৰ শইকীয়াদেৱে। এই দিনটোৰ আকৰ্ষণীয় দিশ আছিল ইউটিউবাৰ ৰাজীৱ দুৱৰী আৰু নীলাক্ষী আৰ শৰ্মাৰ অনুষ্ঠান। এই অনুষ্ঠানতে অধ্যক্ষ ড° বোধেন কুমাৰ শইকীয়াদেৱক শিক্ষক গোটৰ পৰা সম্বৰ্ধনা জনোৱা হয় । লগতে অধ্যক্ষ ড° বোধেন কুমাৰ শইকীয়াদেৱে সমূহ শিক্ষক , কৰ্মচাৰীক বিহুৰ শুভেচ্ছা জনোৱাৰ লগতে সম্বৰ্ধনা জনায়। ছাত্ৰ-ছাত্ৰী, বিহু নৃত্য দল আৰু শিক্ষকবৃন্দৰ গীত-মাতে আজিৰ অনুষ্ঠানটি সজাই পৰাই ৰঙালী বিহুক আদৰণি জনায় ৷

Today department of Economics organised a talk session on Budget -2026. Principal Dr Budhen Kumar Saikia inaugurated the talk session. Keynote speech was given by Prof Nasir Khan ,B.M. department of Economics, Kuvempu University, Karnataka. Ms Indrani Kalita Choudhury, Assistant Prof.dept of Economics, KHS College delivered her lecture as the speaker of the talk session.

আজি মহাবিদ্যালয়ৰ অধক্ষ্য ড° বোধেন কুমাৰ শইকীয়াদেৱে ছাত্ৰ-ছাত্ৰীৰ স'তে মত বিনিময় কৰে। ছাত্ৰ-ছাত্ৰীৰ শৈক্ষিক পৰিবেশৰ লগতে মহাবিদ্যালয়ৰ সৰ্বাংগীন উন্নতিৰ বাব কিদৰে আগবাঢ়িব লাগিব তাৰ ওপৰত অধক্ষ্যই গুৰুত্ব প্ৰদান কৰে।

কৰ্মশ্ৰী হিতেশ্বৰ শইকীয়া মহাবিদ্যালয়ত আন্তৰ্জাতিক মাতৃভাষা দিৱস উপলক্ষে ৰাজ্যিক ভিত্তিত কৰ্মশালা:

গুৱাহাটীৰ ছয়মাইলস্হিত কৰ্মশ্ৰী হিতেশ্বৰ শইকীয়া মহাবিদ্যালয়ৰ অসমীয়া বিভাগ আৰু আভ্যন্তৰীণ মান নিৰূপণ কোষৰ উদ্যোগত মাতৃভাষা দিৱস উপলক্ষে "সাম্প্ৰতিক অসমীয়া ভাষাত দেখা দিয়া বানান সমস্যা আৰু ইয়াৰ প্ৰতিকাৰৰ উপায়" শীৰ্ষক এখনি কৰ্মশালাৰ আয়োজন কৰা হয়।কৰ্মশালাৰ সমল ব্যক্তি ডিমৰীয়া মহাবিদ্যালয়ৰ অসমীয়া বিভাগৰ মূৰব্বী অধ্যাপক, বিশিষ্ট নৃত্যগুৰু ড° পংকজ নমঃশূদ্ৰদেৱে সাম্প্ৰতিক সময়ৰ অসমীয়া ভাষাত দেখা দিয়া বানান বিভ্ৰাট, ইয়াৰ পৰা দেখা দিয়া বিভিন্ন সমস্যা আৰু ইয়াৰ সমাধানৰ বিষয়ে এক বিস্তৃত বিশ্লেষণ আগবঢ়ায় ৷ নব প্ৰজন্মৰ বানান বিভ্ৰাটৰ বিভিন্ন কাৰণ , শব্দ ৰ ভুল উচ্চাৰণ , অৰ্থ ৰ প্ৰতি অমনোযোগিতা, বিশ্বায়নৰ প্ৰভাৱ ইত্যাদি বহু দিশ তেওঁ খৰচি মাৰি আলোচনা কৰে ৷ ছাত্ৰ ছাত্ৰী ৰ সৈতে ভাব বিনিময় কৰি সমল ব্যক্তি গৰাকীয়ে পৰীক্ষামূলক ভাৱে তেওঁলোকক ছ টা দলত বিভক্ত কৰি প্ৰশ্ন আৰু উত্তৰৰ শিতান এটিও সম্পন্ন কৰে।শেষত তেওঁ কয় যে আমি সকলোৱে যদি মাতৃভাষা প্ৰয়োগৰ ক্ষেত্ৰত সতৰ্কতা অৱলম্বন কৰো তেন্তে মাতৃভাষাৰ বানান বিভ্ৰাট বহু পৰিমাণে হ্ৰাস হ'ব । অনুষ্ঠানটিৰ আৰম্ভণিতে অসমীয়া বিভাগৰ ছাত্ৰীসকলে এটি সমবেত সংগীত পৰিবেশন কৰে ৷ ছাত্ৰী অংকিতা বেজবৰুৱাই জ্যোতিপ্ৰসাদ আগৰৱালাৰদ্বাৰা ৰচিত এটি গীত পৰিবেশন কৰে ৷ মহাবিদ্যালয়ৰ অধ্যক্ষ ডঃ বোধেন কুমাৰ শইকীয়াদেৱে তেওঁৰ বলিষ্ঠ ভাষণত মাতৃভাষা দিৱসৰ ইতিহাস ব্যক্ত কৰি সকলো অভ্যাগতক মাতৃভাষা ক গৌৰৱময় কৰি ৰাখিবলৈ আহ্বান জনায় আৰু ইয়াৰ বাবে আমি সকলোৱে আইৰ‌ মুখৰ ভাষা টোক ভাল পাব লাগিব বুলি কয়। তেওঁ আৰু কয় যে মাতৃভাষাৰ মহত্ব অক্ষুণ্ণ ৰাখিবলৈ প্ৰত্যেকৰে অন্তৰত ‌জাতীয়তাবোধ থকা টো অতি প্ৰয়োজনীয়। কৰ্মশালা খনত মহাবিদ্যালয়ৰ উপাধ্যক্ষা ডঃ মৌচুমী বৰদলৈ হাজৰিকাই সকলোকে অনুষ্ঠানটিলৈ আদৰণি জনায়। লগতে তেওঁ মাতৃভাষাৰ মহত্ব অনুধাৱন কৰি বৰ্তমান বিশ্বৰ বিভিন্ন উন্নত দেশে মাতৃভাষাক মৰ্যাদা দিয়া ৰ বিষয়ে উনুকিয়াই আৰু আমিও যাতে আমাৰ মাতৃভাষাৰ ব্যৱহাৰ কৰি সাহিত্য সংস্কৃতিৰ লগতে বিজ্ঞান,প্ৰযুক্তিবিদ্যাৰ বিকাশ সাধন কৰি মাতৃভাষা ক সবল কৰি তুলিব পাৰো তাৰ বাবে সকলোকে আহ্বান জনায়। অনুষ্ঠানটিৰ আঁত ধৰে ষষ্ঠ ষান্মাষিকৰ ছাত্ৰী বৰষা গগৈয়ে ৷ এই অনুষ্ঠানত মহাবিদ্যালয়ৰ শিক্ষক-শিক্ষয়ত্ৰী , কৰ্মচাৰী আৰু ছাত্ৰ-ছাত্ৰীৰ লগতে নাৰেঙ্গী আঞ্চলিক মহাবিদ্যালয়ৰ অসমীয়া বিভাগৰ অধ্যাপক ড° সৰোজ কাকতি আৰু মহাবিদ্যালয়খনৰ কেইবাগৰাকীও ছাত্ৰ-ছাত্ৰী উপস্থিত থাকে ৷ অনুষ্ঠানত অংশগ্ৰহণ কাৰী সকলক বিভাগৰ মুৰব্বী অধ্যাপক ডঃ বিজু ৰাজখোৱাই মানপত্ৰ প্ৰদান কৰা হয়।শলাগৰ শৰাই আগবঢ়ায় অধ্যাপক দিগন্ত শৰ্মাই।

সুদীৰ্ঘকাল মহাবিদ্যালয়খনৰ উন্নতিৰ বাবে, ছাত্ৰ-ছাত্ৰীৰ বিদ্যাতনিক জীৱন উন্নীত কৰিবৰ বাবে কাম কৰি অহা অধ্যক্ষা ড° শিখামণি কোঁৱৰ বাইদেউৰ কৰ্ম জীৱনৰ অৱসৰৰ দিনটোৰ (৩০ জানুৱাৰী, ২০২৬) সম্বৰ্দ্ধনা অনুষ্ঠানৰ কেইখনমান স্থিৰ চিত্ৰ ।